g0v Summit 2026
「反客為主个草索幾何學！」
有人講，「一朝被蛇咬，十年怕草繩。」但係在 g0v Summit 2026，𠊎兜講「十年拍草繩」。
對 g0v Summit 2026 來講，這條「草繩」，乜象徵 g0v 十年黑客行動主義精神个具體展現：「莫問仰會無人做這个，先承認你就係『無人』」。因為，「無人」係萬能个。
毋會坐等、毋會偎凴，𠊎等「反客為主」，自家動手創造：
在這位，g0v Summit 2026 邀請你行入來一隻用草繩編織出來个立體公民座標。
你同逐儕參與者因爭逐儕無共樣个技能、價值觀、立場，都係這空間當中个一隻「點」。
𠊎兜擲出手項个索仔个時節，摎其他人對話，點就連啊做「線」；
盡多條線交織到共下个時節，𠊎等就做起了「面」——這係一張有淰淰動能个行動網絡，乜係一張接等大家个吊床。
故所，原本孤栖个節點形成了聚落，單線个對話演化做協作个生態系。
對最一開始个「資訊透明、開放成果、開放協作」核心，演化做 g0v Summit 2026 用社群編織出个「公民座標」，同三大座標軸線：（開放透明，自主隱私）、（思辨監督，韌性連結）、（政府體制，民間草根）。
在這位，無人係局外人，逐儕人都能做得找尋著自家个座標，對裡背探索，對外背連結。
重要日程
徵件開始
徵件結束
公告議程
g0v Summit 2026
離開幕還有
地點
麼个係 g0v Summit？
對 2012 年開始，g0v.tw 台灣零時政府社群在「寫程式改造社會」个號召之下，用「資訊透明、開放成果、開放協作」作為核心，透過「群眾草根」个力量關心公共事務，開啟了一場有十過年長个公民黑客實踐。
在 318 運動過後，還在 2014 年舉辦 g0v Summit（啥米）零時政府雙年會，推動開放社群、政府、NGO、學術圈、還有網路鄉民跨界交流。
這十幾年來，台灣社會乜識經歷異多民主危機、社會動盪摎極端化，各式各樣像係「分蛇哥咬著」个挫折同危機。
面對臺灣社會个傷，來自這方摎對面个威脅，「十年」毋單淨係時間个刻度，還過刻畫出公民社群持續个行動同實踐——係一直摎驚怕轉化做韌性个過程。
有人講，「一朝被蛇咬，十年怕草繩。」但係在 g0v Summit 2026，𠊎等講「十年拍（phah）草繩」，𠊎兜相信群眾草根个力量，大家互相个連結，做得一直摎驚怕个「怕」，轉化做行動个「拍（phah）」。
拍結（打結）毋單淨是係為著䌈緪，更加係為著學曉放鬆——鬆動被動个姿態，鬆動偎凴同驚怕，在危機同毋確定个時代裡背，重新練習「自救」同「互助」个筋肉。
𠊎兜無愛接受「怕草繩」个被動同畏縮。顛倒，g0v Summit 2026 希望邀請來到這位个每一儕人，摎衫袖攎起來，伸手拿起該條草索，重新搓洗、亼淨來。故所，𠊎等分支、編織、連結，緊幻化還過創造，「草繩」既經毋係該隻得人驚个幻影了，佢既經變做一隻強韌又有機个社群。
逐年活動
參與 g0v
g0v 係一隻草根式个公民社群，煞猛在該想愛加深公民對社會个貢獻同大眾个連結。透過 g0v 社群，你做得在這位尋著志同道合个伴仔，用草根个方式來實踐你个理念，還過摎成果用開放授權个模式放出來，分較多人做得企到你个成果頂項接等來走。
摎 gov 用「零」替代做 g0v，對零開始來思考政府个角色，乜代表數位原生世代對 0 同 1 世界个視野。