g0v Summit 2026
「反客為主的草繩幾何學！」
有人講，「一朝被蛇咬，十年怕草繩。」毋過佇 g0v Summit 2026，阮講「十年拍草繩」。
對 g0v Summit 2026 來講，這條「草繩」，嘛象徵 g0v 十年黑客行動主義精神的具體展現：「莫問為啥物無人做這個，先承認你就是『無人』」。因為，「無人」是萬能的。
莫坐等、莫依賴，咱「反客為主」，家己動手創造：
佇遮，g0v Summit 2026 邀請你行入一个由草繩編織而成的立體公民座標。
汝佮每一个參與者基於自身的技能、價值觀、立場，攏是這空間中的一个「點」。
咱拋出手中的麻索的時陣，佮他人對話，點就連成「線」；
當無數條線交織，咱就撐起「面」——這是一張充滿動能的行動網絡，嘛是一張互相接住的吊床。
所以原底孤立的節點成做聚落，單線的對話演化做協作的生態系。
對一開始的的「資訊透明、開放成果、開放協作」核心，演化成 g0v Summit 2026 由社群編織的「公民座標」，和三大座標軸線：（開放透明，自主隱私）、（思辨監督，韌性連結）、（政府體制，民間草根）。
佇遮，無人是局外人，每一个人攏會揣到屬於家己的座標，向內探索，向外連結。
重要日程
徵件開始
徵件結束
公告議程
g0v Summit 2026
離開幕閣有
地點
啥物是 g0v Summit？
對 2012 年開始，g0v.tw 台灣零時政府社群在「寫程式改造社會」的號召下，以「資訊透明、開放成果、開放協作」為核心，透過「群眾草根」的力量關心公共事務，開啟了一場長達十餘年的公民黑客實踐。
在 318 運動了後，閣佇 2014 年舉辦 g0v Summit（啥米）零時政府雙年會，促成開放社群、政府、NGO、學術圈、以及網路鄉民跨界交流。
這十幾年來，台灣社會嘛經歷過無數民主危機、社會動盪佮極化，種種「蛇咬」般的挫折佮危機。
面對臺灣社會的傷痕，來自此方與彼端的威脅，「十年」毋單是時間的刻度，更刻畫著公民社群持續的行動佮實踐——是持續將恐懼化做韌性的過程。
有人講，「一朝被蛇咬，十年怕草繩。」毋過佇 g0v Summit 2026，阮講「十年拍草繩」，阮相信群眾草根的力量，彼此的連結，會當連紲將恐懼的「怕」，轉化做行動的「拍」。
拍結（打結）毋但是為著縛緊，更是為著學會曉鬆開——鬆動被動的姿態，鬆動依賴與恐懼，佇危機佮不確定的時代裡，重新練習「自救」佮「互助」的筋肉。
阮拒絕陷入「怕草繩」的被動與畏縮。顛倒反，g0v Summit 2026 希望邀請來到遮的每一个人，佮手䘼撆起來，伸手掠起彼條草繩，重新搙拍。所以，阮分支、編織、連結，不斷幻化佮創造，「草繩」無閣是予人驚惶的幻影，而是強韌有機的社群。
逐年活動
參與 g0v
g0v 是一个草根式的公民社群，盡力佇加深公民對社會的貢獻佮彼此的連結。透過 g0v 社群，汝會當佇遮揣到志同道合的共伴，用草根的方式實踐你的理念，用開放授權模式釋出成果，予較濟人會當徛在汝的成果頂接力鬥走。
佮 gov 用「零」替代做 g0v，對零重新思考政府的角色，嘛代表數位原生世代對 0 佮 1 世界的視野。